Новий Роче, Новий Роче.
Зас, як Старий, будеш крочив.
Тиж єс прийшов в нашу землю як паниско,
Што буде обіцювати,
Лем не дуже зможеш дати.
Гнес єс, як дитя, деси в колисці.
Наши люде до тя гварят:
- Хоц надій нам не відшмаряй,
Же ся житя в кожній хижи в нас поправит.
Же даш людим Свою владу
Тоту гнешню шмариш з заду.
Вона, добре знаш, народу юж не збавит.
Новий Роче, Новий Роче
Дай хоц кус тим, яки хочут
Жити гідно у Своїй Державі Рідній.
Дай мудрости в містах , в селах,
Жеби ся крас вшитким вело
Так штоб могли зберігати свою гідніст.
Не відмавляй, Новий Роче.
Посмотр нашим людям в очи.
Повідж їм, же хоц куціцька ліпше буде,
Же хоц де котри надії,
Яких гнес так з віром сіют
В дійсніст зміниш, як завершит рік твій груден.
01.01.2011р.
був друкований в січневому “Нашому Слові”
