Шановний наш пане Михале
Уважні сте мій вірш читали
І виджу знате рахувати
Та кус злосливий комент дати
Так я си читам тото й сесе
І зараз ня кудиси несе
І не образте ся Михалю
Я не мам ни кусьцьіцьки жалю
До вас ани до вчених люди
Скарай ня Боже як єм зблудив
Лем штос мудрого хцу почути
Як я мам ваш комент збагнути
Чим гірше в вірші “вшитко” моє
Від “зрадив што то у вас стоїт
Якогом читав в вірші “Міша”
Повіджте прошу хто ту мішат
Я в свойом вірши як всім видко
Вісем раз вжив єм слова “ вшито”
А ви в свойом сонеті “Міша”
Який нас вшитких кус розгрішив
Там в вашей мудрості як в кличи
У єдній строфі “зрадив” тричі
Чим ліпше “зрадив” від “вшиткого”
Чим ліпше ваше від мойого
Знам же ваш лексикон богатий
І мі ся до вас не рівняти.
30.06.2010р.
