Біднии тоти лемки
Што бояться свого
Не смотрят до заду
Лем деси на боки
Бідни наши лемки
Што не гварят з Богм
А лем чужим словом
Ретушуют спокій
Лемки з Обєднаня
І Стоваришиня
Вадят ся зо собом
Котри є правдиви
Для них слова няня
О своїх корінях
Юж не сут оздобом
Лем ведут до гніву
Гнес в великим пості
Коли терпит Ісус
Вшитки йдут до церкви
Де про нього гварят
До божого царства
Юж скрипит завіса
А лемки між собом
Вадят ся і сварят
Є лемко - русини
Є лемко - поляки
Є лемки лем лемки
Хоц з одного села
В не одній родині
Виросли бортаки
А ходят по темки
Ищи ім весело
Боже дихний правду
В декотри голови
А видуй з них сьмітя
Што ся там розсіло
Може ся віднайдут
Може юж готови
Зрозуміти житя
Што їх покрутило
Перед Великоднем
І перед сповідіом
Помож ся зєднати
Й як колиси жити
А царство господнє
Як колиси дідо
Завсе шанувати
І своє любити
29.03.2009р.
